» செய்திகள் - விளையாட்டு » மாவட்ட செய்தி (தூத்துக்குடி)

பெண்கேட்டு தராததால் கோஷ்டி மோதல் :5 பெண் உள்பட 17பேர் மீது வழக்கு

ஞாயிறு 12, ஜூலை 2020 11:12:40 AM (IST)

பெண்கேட்டு தராததால் இருத்தரப்பினர் மோதிக்கொண்ட சம்பவத்தில் 5பெண் உள்பட 17 பேர்  மீது போலீசார் வழக்குபதிந்து விசாரித்து வருகின்றனர்.

தூத்துக்குடி மாவட்டம், நாசரேத் அருகே உள்ள வாழையடி பள்ளிவாசல்  தெருவைச் சேர்ந்தவர் பாபு மனைவி லட்சுமி (49),  இவரது மகன் பார்த்திபனும், அதே ஊர் பிள்ளையார் கோயில் தெருவைச் சேர்ந்த ஆறுமுகம் மகள் அனு என்பவரும் கடந்த 5 ஆண்டுகளாக காதலித்து வந்ததாக கூறப்படுகிறது. இதற்கிடையே அனுவுக்கு அரசு செவிலியர் வேலை கிடைத்தையடுத்து அவர் சாயல்குடி மருத்துவமனைக்கு பணி சென்று விட்டாராம். 

இந்நிலையில் லட்சுமி தரப்பினர் நேற்று ஆறுமுகம் வீட்டுக்கு சென்று பெண் கேட்டனர். அதற்கு ஆறுமுகம் தரப்பினர் கடும் எதிர்ப்பு தெரிவித்தனர். இதில் இருத்தரப்பினருக்கும் வாக்குவாதம் ஏற்பட்டது. இதில் ஆத்திரமடைந்த இருத்தரப்பினரும் மாறி மாறி தாக்கி கொண்டனர். இதையடுத்து நாசரேத் காவல் நிலையத்தில் லட்சுமி, ஆறுமுகம் மகன் பேச்சிமுத்து (23) ஆகியோர் தனித்தனியாக புகார் அளித்தனர். 

புகாரின் பேரில் நாசரேத் எஸ்.ஐ தங்கேஸ்வரன் விசாரணை நடத்தி லட்சுமி அளித்த புகாரின் பேரில் முத்துக்குமார், ஆறுமுகம், பாப்பா, பேச்சிமுத்து, மாலதி, சங்கர், மாரியம்மாள், முத்து ஆகியோர் மீதும், பேச்சிமுத்து அளித்துள்ள புகாரின்பேரில் பார்த்திபன், பாபு, லட்சுமி, முருகன், முத்துலட்சுமி, அர்ஜூனன், முத்துக்குமார், இசக்கியப்பன், சுப்புசெல்வன் ஆகியோர் மீது வழக்கு பதிந்து வலை வீசி தேடி வருகிறார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Anbu Communications





Black Forest Cakes





Thoothukudi Business Directory