கோவிலில் வெள்ளிப் பொருட்களை திருடியவர் கைது

ஆத்தூர் அருகே கோவிலில் வெள்ளிப் பொருட்களை திருடியது தொடர்பாக ஒருவர் கைது செய்யப்பட்டுள்ளார். 

தூத்துக்குடி மாவட்டம், ஆத்தூர் அருகேயுள்ள தலைவடலி கிராமத்தில் ஸ்ரீவளமாடசாமி கோவில் உள்ளது. இந்த கோவிலில் நேற்று முன்தினம் இரவு மர்ம நபர்கள் பூட்டை உடைத்து உள்ளே சென்று அங்கிருந்த வெள்ளி பொருட்களை திருடிச் சென்றுள்னர். இதன் மதிப்பு ரூ.5ஆயிரம் ஆகும். இதுகுறித்து கோவில் பூசாரி ஆத்தூரைச் சேர்ந்த மனோகரன், ஆத்தூர் காவல் நிலையத்தில் புகார் செய்தார். புகாரின் பேரில் சப் இன்ஸ்பெக்டர் முத்துகிருஷ்ணன் வழக்குப் பதிவு செய்து விசாரணை நடத்தி, தலைவன் வடலி கிராமத்தைச் சேர்ந்த வேலுசாமி மகன் சூர்யா (16) என்பவரை பிடித்து விசாரித்து வருகிறார்.