» செய்திகள் - விளையாட்டு » மாவட்ட செய்தி (தூத்துக்குடி)

உதவித்தொகை பெற்று வரும் மாற்றுத்திறனாளிகள் ஆதார் எண் அளிக்க வேண்டும் : ஆட்சியர் தகவல்

வெள்ளி 19, ஜூலை 2019 3:40:54 PM (IST)

தூத்துக்குடி மாவட்டத்தில் மாதம் ரூ.1500/- பராமரிப்பு உதவித்தொகை பெற்று வரும் மாற்றுத்திறனாளிகள் ஆதார் எண் மற்றும் உரிய சான்றுகளை 31ம் தேதிக்குள் ஒப்படைக்க வேண்டும் என அறிவிக்கப்பட்டுள்ளது.

இது தொடர்பாக தூத்துக்குடி மாவட்ட ஆட்சியர் சந்தீப் நந்தூரி வெளியிட்ட செய்திக்குறிப்பு: தூத்துக்குடி மாவட்ட மாற்றுத்திறனாளிகள் நல அலுவலகம் மூலம் மாதம் ரூ.1500/- பெறும் மனவளர்ச்சி குன்றிய மாற்றுத்திறனாளிகள் மற்றும் கடுமையாக பாதிக்கப்பட்ட மாற்றுத்திறனாளிகளுக்கு இனிவரும் காலங்களில் இணையதள சேவை வழியாக மாத பராமரிப்பு உதவித்தொகை பட்டியல்கள் சமர்ப்பிக்கப்பட்டு வங்கியின் மூலம் வழங்கப்படவுள்ளது.

எனவே நாளது தேதி வரை ஆதார் எண்ணை சமர்ப்பிக்காத பயனாளிகள் ஆதார் அட்டை (அசல் மற்றும் நகல்), கிராம நிர்வாக அலுவலர் மூலம் பெறப்படும் வாழ்நாள் சான்று, மாற்றுத்திறனாளிகளுக்கான தேசிய அடையாள அட்டை (அசல் மற்றும் நகல்), உதவித்தொகை பெற்று வரும் வங்கி கணக்கின் புத்தகம் (அசல் மற்றும் நகல்) மற்றும் பாஸ்போர்ட் அளவு புகைப்படம் -2 (பாதுகாவலர் மற்றும் மாற்றுத்திறனாளி) ஆகிய ஆவணங்களுடன் மாவட்ட மாற்றுத்திறனாளிகள் நல அலுவலகம், மாவட்ட ஆட்சியரக வளாகம், கோரம்பள்ளம், தூத்துக்குடி என்ற முகவரியில் செயல்பட்டு வரும் மாவட்ட மாற்றுத்திறனாளிகள் நல அலுவலகத்தில் பாதுகாவலர் மட்டும் 31-07-2019க்குள் நேரில் வந்து சமர்ப்பிக்க கேட்டுக்கொள்ளப்படுகிறது. மாற்றுத்திறனாளி நேரில் வரத்தேவையில்லை. இத்தகவலை தூத்துக்குடி மாவட்ட ஆட்சியர் சந்தீப் நந்தூரி தெரிவித்துள்ளார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Anbu Communications


Black Forest Cakes

CSC Computer Education


Nalam Pasumaiyagam




Thoothukudi Business Directory