தூத்துக்குடி மாவட்டத்தில் எரிவாயு உருளை விலை நிர்ணயம்: ஆட்சியர் சந்தீப் நந்தூரி தகவல்

தூத்துக்குடி மாவட்டத்தில் எரிவாயு உருளை விலை நிர்ணயம் செய்யப்பட்டுள்ளதால் கூடுதல் பணம் செலுத்த வேண்டாம் என அறிவிக்கப்பட்டுள்ளது.

இதுதொடர்பாக மாவட்ட ஆட்சியர் சந்தீப் நந்தூரி  வெளியிட்டுள்ள செய்திக்குறிப்பு: தூத்துக்குடி மாவட்டத்தில் இந்தியன் ஆயில் நிறுவன வீட்டு உபயோக எரிவாயு உருளை விலை தூத்துக்குடியில் ரூ.719.50/- ஆகவும், கோவில்பட்டியில் ரூ.717.50/- ஆகவும், கழுகுமலையில் ரூ.726.50/- ஆகவும், கயத்தாரில் ரூ.729.50/- ஆகவும், எட்டையபுரத்தில் ரூ.718/- ஆகவும் மற்றும் சாத்தான்குளம் பகுதிக்கு ரூ.736.50/- எனவும் நிர்ணயம் செய்யப்பட்டுள்ளது. 

பாரத் பெட்ரோலியம் நிறுவன வீட்டு உபயோக எரிவாயு உருளை விலை தூத்துக்குடி மாவட்டத்திற்கு ரூ.719.50/- எனவும் இந்துஸ்தான் பெட்ரோலியம் நிறுவன வீட்டு உபயோக எரிவாயு உருளை விலை தூத்துக்குடி மாவட்டத்திற்கு ரூ.719.50/- எனவும், 01.02.2019 முதல் எரிவாயு நிறுவனங்களால் நிர்ணயம் செய்யப்பட்டுள்ளது.  எனவே நுகர்வோர்கள் எரிவாயு முகவர்களிடமிருந்து வாங்கும் வீட்டு உபயோக எரிவாயு உருளைக்கு (14.2 முப) மேலே குறிப்பிட்டுள்ள தொகைக்கு அதிகமாக பணம் செலுத்த தேவையில்லை என தூத்துக்குடி மாவட்ட ஆட்சியர் சந்தீப் நந்தூரி,  தெரிவித்துள்ளார்.