» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி வங்கியில் ரூ.1 கோடி மோசடி: நகை மதிப்பீ்ட்டாளர் கைது - ரூ50 லட்சம் மீட்பு

வியாழன் 6, டிசம்பர் 2018 5:17:07 PM (IST)



தூத்துக்குடியில் வங்கியில் ரூ.1 கோடி நகை மோசடி தொடர்பாக நகை மதிப்பீ்ட்டாளரை தனிப்படை போலீசார் கைது செய்துள்ளனர். 

தூத்துக்குடி மட்டக்கடையில் உள்ள தேசியமயமாக்கப்பட்ட வங்கியில் ஏராளமானவர்கள் தங்கநகை அடகு வைத்து உள்ளனர். இந்த நகைகள் ஒவ்வொரு 3 மாதத்துக்கும் ஒருமுறை சோதனை செய்யப்படுவது வழக்கம். அதன்படி கடந்தவாரம் அதிகாரிகள் நகைகளை பரிசோதனை செய்தபோது, அங்கிருந்த சுமார் 22 பேரின் ரூ.1 கோடி மதிப்பிலான நகைகளுக்கு பதிலாக போலி நகைகளை வைத்து மோசடி செய்து இருப்பது தெரியவந்தது. 

இது தொடர்பாக டிவிஷனல் மேனேஜர் முகம்மது இஸ்மாயில் அளித்த புகாரின் பேரில், வடபாகம் போலீசார் வழக்குப் பதிவு செய்தனர். மோசடி தொடர்பாக நகை மதிப்பீ்ட்டாளர் கீழ ரெங்கநாதபுரத்தைச் சேர்ந்த சப்பாணிமுத்து மகன் சண்முகசுந்தரம் என்பவர் மீது வழக்குப் பதிவு செய்யப்பட்டது. மேலும் எஸ்பி முரளி ரம்பா உத்தரவின் பேரில் தனிப்படை போலீசார் அவரை தேடி வந்த நிலையில் தற்போது அவர் கைது செய்யப்பட்டுள்ளார். 

இந்நிலையில், இன்று மாலை செய்தியாளர்களை சந்தித்த காவல் கண்காணிப்பாளர் முரளி ரம்பா, 1 கோடியே 15ஆயிரம் மோசடி செய்த வழக்கில் சண்முகசுந்தரத்திடம் இருந்து  ரூ50 லட்சத்து 15 ஆயிரத்து ரூபாய் பறிமுதல் செய்யப்பட்டதாக தெரிவித்தார்.  மேலும், இந்த மோசடியில் வங்கி ஊழியர்களுக்கு தொடர்பு உள்ளதா என்பது குறித்தும் போலீசார் விசாரித்து வருகின்றனர் என்றார். அவருடன் டவுன் டிஎஸ்பி பிரகாஷ், வடபாகம் காவல் நிலைய ஆய்வாளர் பார்த்திபன், உதவி ஆய்வாளர் ராஜாமணி, தனிப்பிரிவு மனோஜ் ஆகியோர் உடன் இருந்தனர். இந்த வழக்கில் துரிதமாக விசாரனை நடத்தி குற்றவாளியை கைது செய்து பணத்தை மீட்ட காவல்துறை அதிகாரிகள் மற்றும் போலீசாரை மாவட்ட எஸ்.பி.முரளிரம்பா பாராட்டினார்.



மக்கள் கருத்து

RajaDec 7, 2018 - 10:49:02 AM | Posted IP 162.1*****

ஆமாம் இதே போல் தூத்துக்குடி lndian Bankil நடந்த இதே போல் நடந்த நகை மோசடி வழக்கு ஏன்ன ஆயிற்று?.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads





New Shape Tailors

Nalam Pasumaiyagam

CSC Computer Education

Anbu Communications

Black Forest Cakes

Joseph Marketing



Thoothukudi Business Directory