மது பழக்கத்ததால் விபரீதம்: வியாபாரி உட்பட 2பேர் தற்கொலை

தூத்துக்குடி மாவட்டத்தில் வெவ்வேறு சம்பவங்களில் மது பழக்கத்துக்கு அடிமையான 2பேர் தற்கொலை செய்து கொண்டனர். 

தூத்துக்குடி, பிரையண்ட் நகர் 7வது தெருவைச் சேர்ந்தவர் நாராயணன் மகன் முத்துமாடசாமி (37). கருவாடு வியாபாரம் செய்து வந்தார். சம்பாதிக்கும் பணம் முழுவதையும் மது குடித்து செலவழித்து வந்துள்ளார். இதனை அவரது தந்தை கண்டித்து வந்துள்ளார். இதனால் மன வேதனையடைந்த அவர் நேற்று வீட்டில் தூக்கு போட்டு தற்கொலை செய்து கொண்டார். இதுகுறித்து தென்பாகம் போலீசார் வழக்குப் பதிந்து விசாரணை நடத்தி வருகின்றனர். 

தூத்துக்குடி மாவட்டம், சாயர்புரம் அருகே உள்ள நடுவக்குறிச்சி கிராமம் உச்சினி மாகாளியம்மன் கோவில் தெருவைச் சேர்ந்தவர் செல்லையா மகன் சேர்மதுரை (63). விவசாயியான இவர் அடிக்கடி மது குடித்து வந்துள்ளார். இதனை அவரது மகன் கண்டித்தாராம். இதனால் மன வேதனையடைந்த அவர் பூச்சி மருந்து குடித்து தற்கொலை செய்து கொண்டாராம். இதுகுறித்து சாயர்புரம் போலீசார் வழக்குப் பதிவு செய்து விசாரணை நடத்தி வருகின்றனர்.