செல்போன் தொலைந்ததால் இளம்பெண் தற்கொலை

செய்துங்கநல்லூர் அருகே செல்போனை தொலைத்ததை தாய் கண்டித்ததால் கல்லூரி மாணவி ஒருவர் தூக்கிட்டு தற்கொலை செய்து கொண்டார். 

தூத்துக்குடி மாவட்டம், செய்துங்கநல்லூர் மூப்பனார் மேலத்தெருவைச் சேர்ந்தவர் சுப்பிரமணியன் (எ) வண்டி மலையான் (53). கொத்த வேலை செய்து வருகிறார். இவரது மனைவி நாகமணி. இந்த தம்பதியருக்கு ஒரு மகனும் மகளும் உள்ளனர். மகன் சட்டக் கல்லூரியில் படித்து வருகிறார். மகள் சின்னத்தாய் என்ற சிந்து(20) பாளையில் உள்ள ஒரு கல்லூரியில் பிஎஸ்சி இரண்டாம் ஆண்டு படித்து வருகிறார். 

இந்நிலையில், ரூ.10 ஆயிரத்திற்கு புதிதாக வாங்கிய ஆண்ட்ராய்ட் செல்போன் தொலைந்ததால் சிந்து மனம் உடைந்து காணப்பட்டாராம். மேலும் இதனால் அவரது தாயார் திட்டினாராம். இதனால் மேலும், வேதனையடைந்த சிந்து  இன்று அதிகாலை வீட்டில் தூக்குப் போட்டு தற்கொலை செய்து கொண்டார். இதுதொடர்பாக அவரது தந்தை சுப்பிரமணியன் அளித்த புகாரின் பேரில் செய்துங்கநல்லூர் காவல்நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர்.