» செய்திகள் - விளையாட்டு » மாவட்ட செய்தி (தூத்துக்குடி)

மழைநீர் பிரச்சனை: பொதுமக்கள் சாலை மறியல் - தூத்துக்குடியில் பரபரப்பு

வெள்ளி 26, அக்டோபர் 2018 10:31:28 AM (IST)


தூத்துக்குடியில் மழைநீருடன் கழிவுநீர் கலந்து வீடுகளுக்குள் புகுந்துள்ளதால் பொதுமக்கள் இன்று காலை திடீர் சாலை மறியல் போராட்டத்தில் ஈடுபட்டனர்.

தூத்துக்குடி மாநகராட்சி 18வது பகுதிக்குட்பட்ட  லூர்தம்மாள்புரம், ஜீவா நகர், ராஜீவ் காந்தி நகர் உள்ளிட்ட பகுதிகளில் கடந்த சில நாட்களாக பெய்த மழை காரணமாக குடியிருப்பு பகுதிகளை வெள்ளம் சூழ்ந்துள்ளது. கழிவு நீரும் மழைநீரும் கலந்து வீடுகளுக்குள் புகுந்துள்ளதால் சுகாதாரக் கேடு ஏற்பட்டு மக்கள் கடும் அவதிக்குள்ளாகி உள்ளனர். இதுகுறித்து பலமுறை தகவல் தெரிவித்தும் மாநகராட்சி அதிகாரிகள் நடவடிக்கை எடுக்கவில்லையாம். இதனைக் கண்டித்து இன்று தாளமுத்துநகர் மெயின் ரோட்டில் அப்பகுதி மக்கள் 100க்கும் மேற்பட்டோர் சாலை மறியிலில் ஈடுபட்டனர். 

போராட்டத்தில் திரளான பெண்கள் கலந்து கொண்டு, மழைநீர் தேங்கிய பகுதிகளை பார்வையிட வராத  மாவட்ட மற்றும் மாநகராட்சி நிர்வாகத்தை கண்டித்தும், மேலும் அப்பகுதியில் அடிக்கடி ஏற்படும் மின்வெட்டு பிரச்சனைக்கு தீர்வு காண வலியுறுத்தியும் கோஷங்களை எழுப்பினர். இதுகுறித்து தகவல் அறிந்து தாளமுத்துநகர் இன்ஸ்பெக்டர் தங்க கிருஷண் தலைமையிலான போலீசார் சம்பவ இடத்திற்கு சென்று பொதுமக்களிடம் சமாதான பேச்சுவார்த்தை நடத்தினர். மழைநீரை அப்புறப்படுத்த விரைவாக நடவடிக்கை எடுக்கப்படும் என் உறுதியளித்தனர். இதையடுத்து பொதுமக்கள் கலைந்து சென்றனர். திடீர் சாலை மறியல் போராட்டம் காரணமாக அப்பகுதியில் சிறிது நேரம் போக்குவரத்து பாதிக்கப்பட்டு பரபரப்பு நிலவியது. 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


Friends Track CALL TAXI & CAB (P) LTD

Joseph Marketing

crescentopticals

CSC Computer Education

New Shape Tailors



Thoothukudi Business Directory