» செய்திகள் - விளையாட்டு » மாவட்ட செய்தி (தூத்துக்குடி)

செண்பகவல்லி அம்மன் கோவிலில் ஐப்பசி திருவிழா : கொடியேற்றதுடன் கோலாகலமாகத் தொடங்கியது

புதன் 24, அக்டோபர் 2018 10:50:48 AM (IST)



கோவில்பட்டி செண்பகவல்லி அம்மன் கோவிலில் ஐப்பசி திருக்கல்யாண திருவிழா  இன்று காலை கொடியேற்றதுடன் தொடங்கியது

கோவில்பட்டி அருள்மிகு செண்பகவல்லி அம்மள் உடனுறை அருள்மிகு பூவனநாத சுவாமி திருக்கோயிலில் ஐப்பசி திருக்கல்யாணத் திருவிழா இன்று காலை கொடியேற்றத்துடன் தொடங்கியது. கொடியேற்றத்தை முன்னிட்டு இன்று அதிகாலை 3 மணிக்கு நடை திறக்கபட்டு திருவனந்தல் பூஜையும், அதையடுத்து சுவாமி, அம்பாளுக்கும், பஞ்ச மூர்த்திகளுக்கும் சிறப்பு அபிஷேகம் மற்றும் அலங்கார தீபாராதனையும் நடைபெற்றது. பின்னர் காலை 5.30 மணிக்கு மேல் 5.45 மணிக்குள் கொடியேற்றமும், அதைத் தொடர்ந்து நந்தி, பலிபீடம், கொடிமரத்திற்கு சிறப்பு அபிஷேகமும், அலங்கார தீபாராதனையும் நடைபெற்றது. 

நிகழ்ச்சியில் செய்தி மற்றும் விளம்பரத்துறை அமைச்சர் கடம்பூர் செ.ராஜூ, அதிமுக நகர செயலாளர் விஜயபாண்டியன், ஜனகல்யாண் திருப்பதிராஜா, வணிக வைசிய சங்க தலைவர் பூவலிங்கம், பள்ளி குழு செயலாளர் வெங்கடேஷ், சங்க செயலாளர் பழனிகுமார், மணிமாறன், மாதவராஜ், தங்கமாரியப்பன் மற்றும் அனைத்து மண்டகபடிதரர்கள் உள்ளிட்ட திரளான பக்தர்கள் கலந்து கொண்டனர். இத்திருவிழா நவ 4ம் தேதி நடைபெறுகிறவது. விழாவின் ஓவ்வொரு நாளும் ஒவ்வொரு மண்டகபடிதாரர்கள் சார்பில் சுவாமி, அம்பாள் திருவீதி உலா நடைபெறும்.

விழாவின் முக்கிய திருநாளான 9ம் திருநாள் மண்டகப்படிதாரான வணிக வைசிய சங்கத்தினர் சார்பில் (நவ1ம் தேதி) வியாழக்கிழமை காலை 8.30 மணிக்கு தேரோட்டம் நடைபெறவுள்ளது. அன்று இரவு 7.30 மணிக்கு மேல் அம்பாள் அன்ன வாகனத்தில் திருவீதி உலா வந்து பக்தர்களுக்கு காட்சி கொடுக்கின்றனர்.  10 ம் நாள் திருநாளான நவ 2 ந் தேதி காலை  8 மணிக்கு அம்மன் பல்லக்கில் திருவீதி உலா, இரவு 7.30 மணிக்கு ரிஷப வாகனத்தில் அம்மன் திருவீதி நடக்கிறது. 

11ம் நாள் திருநாளான நவ 3ம் தேதி மதியம் 1 மணிக்கு தபசு சப்பரத்தில் அம்மன் தபசுக்கு எழுந்தருளுகிறார். மாலை 6 மணிக்கு சுவாமி ரிஷப வாகனத்தில் பூவனநாதராக அம்மனுக்கு காட்சி கொடுக்கிறார். 12ம் நாளான நவ 4ஆம் தேதி காலை 8 மணிக்கு பல்லக்கில் அம்மன் திருவீதி உலா நடைபெறுகிறது. அதை தொடர்ந்து இரவு 8 மணிக்கு சுவாமி அம்பாள் திருக்கல்யாணம் நடைபெறுகிறது. பின்னர், சுவாமி யானை வாகனத்திலும், அம்பாள் பல்லக்கிலும் பட்டணப் பிரவேசம் செல்லும் வைபவம் நடைபெறும். ஏற்பாடுகளை கோயில் உதவி ஆணையர் ரோஜாலிசுமதா, செயல் அலுவலர் பாலசுப்பிரமணியராஜன் ஆகியோர் செய்து வருகின்றனர்


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



CSC Computer Education

Black Forest Cakes

Joseph Marketing

Nalam Pasumaiyagam


Anbu Communications


New Shape Tailors



Thoothukudi Business Directory