» செய்திகள் - விளையாட்டு » மாவட்ட செய்தி (தூத்துக்குடி)

மேம்பாலம் பணி முடியும் வரை டோல்கேட்டில் தள்ளுபடி : உயர்நீதிமன்றம் உத்தரவு

வெள்ளி 12, அக்டோபர் 2018 11:00:26 AM (IST)

துாத்துக்குடி மீளவிட்டானில், மேம்பாலப் பணி முடியும் வரை, புதுார் பாண்டியாபுரம் டோல்கேட்டில் பாதி கட்டணம் வசூலிக்க, உயர்நீதிமன்ற மதுரை கிளை உத்தரவிட்டது.

துாத்துக்குடி, மீளவிட்டான் பால்ராஜ் என்பவர் தாக்கல் செய்த மனுவில் கூறியிருந்ததாவது:மதுரை - துாத்துக்குடி நான்கு வழிச்சாலை அமைக்கப்பட்டு உள்ளது. இதற்காக, துாத்துக்குடி, மீளவிட்டானில் ரயில்வே மேம்பாலம் அமைக்கும் பணி, 2014ல் துவங்கியது.திட்டமிட்டபடி, 2015ல் பணி முடிந்திருக்க வேண்டும்; தாமதம் ஏற்பட்டுள்ளது. விபத்துகள் ஏற்படுகின்றன. மேம்பால பணியை விரைந்து முடிக்க உத்தரவிட வேண்டும்.இவ்வாறு, அவர் மனு தாக்கல் செய்தார்.

இந்த மனு, மார்ச்சில் விசாரணைக்கு வந்த போது, சீரமைக்கும் வரை, துாத்துக்குடி அருகே, புதுார் பாண்டியபுரம் டோல்கேட்டில் பாதி கட்டணம் வசூலிக்க, நீதிபதிகள் உத்தரவிட்டனர். இந்நிலையில் கடந்த 9ம் தேதி இந்த மனு மீது விசாரணை நடந்தது. அப்போது நீதிபதிகள், எம்.எம்.சுந்தரேஷ், என்.சதீஷ்குமார் அமர்வு, என்.எச்.ஏ.ஐ., மற்றும் ரயில்வே நிர்வாகம் ஓராண்டிற்குள் மேம்பாலப் பணியை முடிக்க வேண்டும். அதுவரை, டோல்கேட்டில் பாதி கட்டணம் வசூலிப்பது தொடர வேண்டும் என, உத்தரவிட்டனர்.


மக்கள் கருத்து

RajaOct 13, 2018 - 03:32:31 PM | Posted IP 172.6*****

Super judjement

அருண்Oct 13, 2018 - 12:08:33 PM | Posted IP 162.1*****

சபாஷ்.. சரியான தீர்ப்பு.!!

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


CSC Computer Education

Black Forest Cakes

New Shape Tailors


Anbu Communications


Nalam Pasumaiyagam




Thoothukudi Business Directory