அமெரிக்காவின் அதிபராக செயல்பட்ட கமலா ஹாரிஸ்

அமெரிக்காவில் அதிபர் ஜோ பைடனுக்கு மயக்கவியல் சிகிச்சை அளிக்கப்பட்டதால் கமலா ஹாரிஸ் தற்காலிக அதிபராக செயல்பட்டார். 

அமெரிக்க அதிபர் ஜோ பைடன், வாஷிங்டனில் உள்ள மருத்துவமனையில் அனுமதிக்கப்பட்டார். அவருக்கு பெருங்குடல் தொடர்பாக, மயக்கவியல் முறையில் சிகிச்சை அளிக்கப்பட்டது. இதையடுத்து சிகிச்சையில் இருந்து குணமாகும் வரை தனது அதிபருக்குள்ள அதிகாரத்தை துணை அதிபர் கமலா ஹாரிஸ்க்கு தற்காலிகமாக வழங்கி உத்தரவிட்டார். 

இதனையடுத்து  கமலாவுக்கு தற்காலிக அதிகாரம் தரப்பட்டது. 1.25 மணி நேரம் அதிகாரம் வழங்கப்பட்ட நிலையில் அமெரிக்க அதிபர் இருக்கையில் கமலா ஹாரிஸ் அமரவில்லை எனவும் தற்காலிக அமெரிக்க  அதிபராக கமலா ஹாரிஸ் பதவி வகித்ததாக வெள்ளை மாளிகை தெரிவித்துள்ளது. மருத்துவ பரிசோதனை முடிந்த பிறகு ஜோ பைடன் மீண்டும் அமெரிக்க அதிபர் பணியை தொடங்கினார். அமெரிக்காவில் பெண் அதிபராக பதவி வகித்த முதல் பெண் என்ற பெருமையை தமிழகத்தை பூர்வீகமாக கொண்ட கமலா ஹாரிஸ் பெற்றுள்ளார் என்பது குறிப்பிடத்தக்கது.