» செய்திகள் - விளையாட்டு » உலகம்

ஹெலிகாப்டரை முறைகேடாகப் பயன்படுத்தியதாக புகார் : இம்ரான் கானுக்கு சம்மன்!

சனி 4, ஆகஸ்ட் 2018 12:39:46 PM (IST)



அரசு ஹெலிகாப்டரை முறைகேடாகப் பயன்படுத்தியதாகக் கூறப்படும் புகார் தொடர்பாக பாகிஸ்தான் தேர்தலில் வெற்றி பெற்ற இம்ரான் கானுக்கு தேசியக் கணக்கியல் பணியகம் சம்மன் அனுப்பியுள்ளது.

2013ஆம் ஆண்டு முதல் இம்ரான் கானின் தெஹ்ரிக் இ இன்சாஃப் கட்சி கைபர் பக்துன்குவா மாகாணத்தை ஆட்சி செய்துவருகிறது. இந்த மாகாணத்தின் அரசு ஹெலிகாப்டரை இம்ரான் கான் முறைகேடாகப் பயன்படுத்தியதாகவும், அதனால் 21 லட்சம் ரூபாய் நஷ்டம் ஏற்பட்டுள்ளதாகவும் குற்றச்சாட்டு எழுந்தது. இது தொடர்பாக இம்ரான் கானுக்கு அந்த நாட்டு லஞ்ச ஒழிப்பு அமைப்பான தேசிய கணக்கியல் பணியகம் சம்மன் அனுப்பியது. 

அதில் அரசு ஹெலிகாப்டரை முறைகேடாக 74 மணி நேரம் பயன்படுத்தியுள்ளதாகவும் அதனால் அரசுக்கு 21 லட்ச ரூபாய் நஷ்டம் ஏற்பட்டதாகவும் கூறி ஜூலை 19 ஆம் தேதி நேரில் ஆஜராகுமாறு தெரிவிக்கப்பட்டிருந்தது. தேர்தல் வேலை இருப்பதால் தேர்தலுக்குப் பிறகு ஆஜராவதாக இம்ரான் கான் தரப்பில் தெரிவிக்கப்பட்டிருந்தது. இந்தக் கோரிக்கையை ஏற்ற தேசியக் கணக்கியல் பணியகம் ஆகஸ்ட் 7ஆம் தேதி இம்ரான் கான் நேரில் ஆஜராகுமாறு நேற்று (ஆகஸ்ட் 3) மீண்டும் சம்மன் அனுப்பியுள்ளது.

பாகிஸ்தானில் கடந்த ஜூலை 25ஆம் தேதி நடைபெற்ற தேர்தலில் 116 இடங்களில் இம்ரான் கானின் தெஹ்ரிக் இ இன்சாஃப் கட்சி வெற்றி பெற்று தனி பெரும் கட்சியாக உருவெடுத்துள்ளது. பெரும்பான்மை இல்லாத காரணத்தால் சுயேச்சை மற்றும் இதர கட்சிகளுடன் கூட்டணி அமைத்து ஆட்சி அமைக்கவுள்ளார் இம்ரான் கான். வரும் ஆகஸ்ட் 11ஆம் தேதி இவர் பிரதமராகப் பதவியேற்கவுள்ள நிலையில் தற்போது அவர் நேரில் ஆஜராக சம்மன் அனுப்பப்பட்டுள்ளது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

New Shape Tailors



Nalam Pasumaiyagam

Joseph Marketing



CSC Computer Education

Anbu Communications

Black Forest Cakes



Thoothukudi Business Directory