» செய்திகள் - விளையாட்டு » உலகம்

புதிய அத்தியாயத்தினை எழுதத் தயாராகி விட்டோம்: கிம்முடனான சந்திப்புக்கு பிறகு ட்ரம்ப் பேட்டி

செவ்வாய் 12, ஜூன் 2018 4:39:43 PM (IST)



வட கொரியாவுடன்  புதிய அத்தியாயத்தினை எழுதத் தயாராகி விட்டோம் என்று கிம்முடனான சந்திப்புக்கு பிறகு அமரிக்க அதிபர் ட்ரம்ப் தெரிவித்துள்ளார்.

அமெரிக்க அதிபர் டொனால்ட் டிரம்ப் மற்றும் வட கொரிய அதிபர் கிம் ஜோங் உன் உடனான சந்திப்பு சிங்கப்பூரின் செண்டோசா தீவில் உள்ள பிரபல ஹோட்டல் ஒன்றில் நடைபெற்றது.  வரலாற்று முக்கியத்துவம் வாய்ந்த என்ற ஒரு வார்த்தையால் மட்டும் இந்த சந்திப்பை குறிப்பிட்டு விட முடியாது, சரித்திர சந்திப்பு என்றும் கூறலாம். அவ்வளவு முக்கியத்துவம் வாய்ந்த இந்த சந்திப்பு பல மணி நேரங்கள் நீடித்தது. அமெரிக்க அதிபர் டொனால்ட் டிரம்பும், வட கொரிய அதிபர் கிம் ஜோங் உன்னும் பல்வேறு விஷயங்கள் குறித்து பேச்சுவார்த்தை நடத்தினர்.

பிறகு இருவரும் கூட்டாக செய்தியாளர்களை சந்தித்தனர். அப்போது, இரு நாடுகளுக்கும் இடையேயான பல முக்கிய ஒப்பந்தங்களிலும் இரு நாட்டுத் தலைவர்களும் கையெழுத்திட்டனர். செய்தியாளர் சந்திப்பின் போது டொனால் டிரம்ப் இயல்பாக இருந்தாலும், சற்றே பதற்றமான நிலையில்தான் கிம் ஜோங் காணப்பட்டார். ஒப்பந்தங்களில் கையெழுத்திட்டு, அதனை ஊடக நண்பர்களுக்குக் காண்பித்த டொனால்ட் டிரம்ப், அதனை கிம் ஜோங்கிடம் அளித்து விட்டு, அவரது தோளைத் தட்டி உற்சாகப்படுத்தினார்.

இந்நிலையில் வட கொரியா மீதான கசப்புணர்வு மறைந்துள்ளது என்று அந்நாட்டு அதிபர் கிம்முடனான சந்திப்புக்கு பிறகு அமரிக்க அதிபர் டொனால்டு ட்ரம்ப் தெரிவித்துள்ளார். கூட்டுச் செய்தியாளர் சந்திப்பின் பின்னர் அமெரிக்க அதிபர் டொனால்டு ட்ரம்ப் செய்தியாளர்களை தனியாக சந்தித்துப் பேசினார்.  அப்பொழுதுஅவர் கூறியதாவது: வட கொரிய அதிபர் கிம் ஜோங் உன் உடனான சந்திப்பு மிகவும் நேர்மையான ஒன்றாக அமைந்தது. நானும் கிம்மும் சில மணி நேரங்கள் தீவிர ஆலோசனை நடத்தினோம். தற்பொழுது அமெரிக்காவும் வட கொரியாவும் சேர்ந்து வரலாற்றில் புதிய அத்தியாயத்தினை எழுதத் தயாராகி விட்டோம்.

அதேசமயம் இந்த சந்திப்புக்குப் பிறகு வட கொரியா மீதான கசப்புணர்வு மறைந்துள்ளது.  முன்னரே தெரிவித்திருந்த படி, எங்களது வெற்றிகரமான பேச்சுவார்தைக்குப் பிறகு, தற்பொழுது வெள்ளை மாளிகைக்கு வருமாறு கிம்முக்கு நான் அழைப்பு விடுத்துள்ளேன். வடகொரியாவில் செயல்படும் ஏவுகணை தளங்களை முற்றிலுமாக அழித்து விடுவதாக கிம் என்னிடம் உறுதியளித்துள்ளார்.    கடந்த கால செயல்பாடுகளை எதிர்காலத்தின் பொழுது வரையறை செய்ய வேண்டிய அவசியம் இல்லை. இவ்வாறு அவர் தெரிவித்தார்.


மக்கள் கருத்து

நிஹாJun 13, 2018 - 12:23:52 PM | Posted IP 162.1*****

human அவர்களின் கருத்தை வரவேற்கிறேன். ஆயுதம் வைத்துக்கொள்ள அமெரிக்காவுக்கு மட்டும்தான் தகுதி இருக்கிறது என்பதைத்தான் நான் ஏற்றுக்கொள்ளவில்லை.

சேகர்Jun 13, 2018 - 11:33:50 AM | Posted IP 162.1*****

இருவரும் பரஸ்பரம் அணுகுண்டு ஒழிப்பு பற்றி பேசவில்லையே பின்பு இது எப்படி என்றால் பேச்சு வார்த்தை தோல்வியைத்தான் காட்டுகிறது அணு ஆயுதங்கள் வல்லரசுக்கு மட்டுந்தான் சொந்தம் மற்றவர்கள் அதை நினைத்து கூட பார்க்க கூடாது. அது நடக்குமா வடகொரியாவிடம் பார்க்கலாம்

humanJun 13, 2018 - 10:09:30 AM | Posted IP 162.1*****

நிஹா அவர் எத்தனை ஆயுதம் வைத்திருந்தால் உனக்கென்ன ? ISIS , தலிபான்,.... போன்ற தீவிரவாதிகள் வந்தால் பயன்படுத்த ஆயுதம் தான் வெளிநாட்டில் சென்று தாக்க அமெரிக்காவால் எல்லாம் முடியும் ..

நிஹாJun 12, 2018 - 05:13:45 PM | Posted IP 162.1*****

இது என்ன கணக்கு? எனக்கு இன்று வரை புரியவில்லை. அமெரிக்கா பல்லாயிரக் கணக்கான அணு ஆயுதங்களையும்,ஏவுகணைகளையும் வைத்துக் கொள்ளலாம். அதனால் எந்த நாட்டுக்கும் ஆபத்தில்லை. அதே வேளை மற்ற நாடுகள் புதிதாக அணு ஆயுதம் தயாரித்தால் ஒத்துக்கொள்ளவே முடியாத குற்றம்.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Gift

Sponsored Ads



New Shape Tailors

Friends Track CALL TAXI & CAB (P) LTD


crescentopticals

Joseph Marketing





Thoothukudi Business Directory