» செய்திகள் - விளையாட்டு » உலகம்

மலேசியாவில் 2 ஆண்டுகள் மட்டுமே பிரதமர் பதவி வகிப்பேன் : மகாதீர் முகமது அறிவிப்பு

புதன் 16, மே 2018 11:00:30 AM (IST)

மலேசியாவில் 2 ஆண்டுகள் மட்டுமே பிரதமர் பதவி வகிப்பேன் என மகாதீர் முகமது அறிவித்துள்ளார். 

மலேசியாவில் சமீபத்தில் நடந்த நாடாளுமன்ற தேர்தலில் சற்றும் எதிர்பாராத வகையில், நஜிப் ரசாக் தலைமையிலான ‘பேரிசன் நே‌ஷனல்’ கூட்டணி தோல்வியை தழுவியது. 92 வயதான மகாதீர் முகமது தலைமையிலான 4 கட்சிகளை கொண்ட எதிர்க்கட்சி கூட்டணி அபார வெற்றி பெற்றது. இதையடுத்து மகாதீர் முகமது பிரதமராக பதவி ஏற்றார்.

இந்நிலையில் அவர் டோக்கியோ ‘வால் ஸ்டிரீட் ஜர்னல்’ பத்திரிகை மாநாட்டில் காணொலி காட்சி வழியாக பேசினார். அப்போது அவர் கூறியதாவது: ஒன்றல்லது இரண்டு ஆண்டுகளுக்கு மட்டுமே நான் பிரதமர் பதவி வகிப்பேன். அதன்பின்னர் நான் பதவி விலகுவேன். ஆனால் அரசை பின்னால் இருந்து இயக்குவேன். சிறையில் அடைக்கப்பட்டு உள்ள அன்வர் விடுதலை ஆனவுடன் நாடாளுமன்றத்தில் உறுப்பினர் ஆக வேண்டும். அதன்பின்னர் அவருக்கு கேபினட் அமைச்சர் பதவி அளிக்கப்படும். 

கூட்டணியில் உள்ள பிற கட்சி தலைவர்களைப் போன்றுதான் அவரும் பங்களிப்பு செய்ய முடியும். மற்றவர்களுக்கு என்ன அதிகாரம் வழங்கப்பட்டு உள்ளதோ அதே அதிகாரம்தான் அவருக்கும் வழங்கப்படும். அவருக்கென்று பிரத்யேக அதிகாரம் எதுவும் தரப்படமாட்டாது. கேபினட் அமைச்சர் பதவிகள் குறித்து நான்தான் தீர்மானிப்பேன். இவ்வாறு அவர் கூறினார். ‘‘முன்னாள் பிரதமர் நஜிப் ரசாக் மீது வழக்கு எதுவும் தொடரப்படுமா?’’ என்று மகாதீர் முகமதுவிடம் கேள்வி எழுப்பப்பட்டது. அதற்கு அவர், ‘‘அவருக்கு எதிராக விரைவில் அரசு வழக்கு தொடுக்கும்’’ என பதில் அளித்தார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

New Shape Tailors

Black Forest Cakes

Joseph Marketing




CSC Computer Education

Nalam Pasumaiyagam

Anbu Communications



Thoothukudi Business Directory