» செய்திகள் - விளையாட்டு » உலகம்

தென்கிழக்கு ஆசிய நாடுகளுக்கு 5 நாள் சுற்றுப்பயணம்: தாய்லாந்து சென்றடைந்தார் சுஷ்மா சுவராஜ்!!

வெள்ளி 5, ஜனவரி 2018 3:27:02 PM (IST)

தென்கிழக்கு ஆசிய நாடுகளுக்கு சுற்றுப்பயணம் மேற்கொண்டுள்ள வெளியுறவு துறை அமைச்சர் சுஷ்மா சுவராஜ், இன்று முதல் கட்டமாக தாய்லாந்தை சென்றடைந்தார். 

இந்திய வெளியுறவு துறை அமைச்சர் சுஷ்மா சுவராஜ் ஐந்து நாள்கள் பயணமாக தாய்லாந்து, இந்தோனேசியா மற்றும் சிங்கப்பூர் உள்ளிட்ட மூன்று நாடுகளுக்கு சுற்றுப்பயணம் மேற்கொள்கிறார். இந்த சுற்றுப்பயணத்தின் முதல் கட்டமாக சுஷ்மா சுவராஜ் இன்று தாய்லாந்தை சென்றடைந்தார். தாய்லாந்தில் இன்றும் நாளையும் தங்கும் அவர், ஆசிய நாடுகளுடனான உறவை மேம்படுத்துவது குறித்தும், தாய்லாந்து நாட்டுடனான பாதுகாப்பு, அரசியல் மற்றும் பொருளாதார விவகாரங்கள் குறித்தும் பேச்சுவார்த்தை நடத்துகிறார். அதைத்தொடர்ந்து, ஜனவரி 5 மற்றும் 6-ம் தேதிகளில் சுஷ்மா சுவராஜ் இந்தோனேசியா செல்கிறார். 

அப்போது அவர் இந்தியா- இந்தோனேசியா கூட்டமைப்பில் கலந்து கொண்டு பேசவுள்ளார். இதையடுத்து, 7-ம் தேதி சிங்கப்பூர் செல்லும் சுஷ்மா சுவராஜ் அங்கு அதிபரை சந்தித்து பேசுகிறார். மேலும், குடியரசு தினத்தில் கலந்துகொள்ள வருமாறும் கேட்டுக் கொள்வார் என அதிகாரிகள் தெரிவித்துள்ளனர். இந்த மாதம் நடைபெறவுள்ள குடியரசு தின கொண்டாட்டத்தில், தென்கிழக்கு ஆசிய நாடுகளைச் சேர்ந்த புருனை, கம்போடியா, இந்தோனேசியா, லாவோஸ், மலேசியா, மியான்மர், பிலிப்பைன்ஸ், சிங்கப்பூர், தாய்லாந்து மற்றும் வியட்நாம் ஆகிய 10 நாடுகளின் தலைவர்கள் பங்கேற்கின்றனர் என்பது குறிப்பிடத்தக்கது. 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

crescentopticals





New Shape Tailors


Friends Track CALL TAXI & CAB (P) LTD



Joseph Marketing



Thoothukudi Business Directory