» செய்திகள் - விளையாட்டு » இந்தியா

இறந்ததாக அறிவிக்கப்பட்ட குழந்தை ஒரு வாரத்துக்கு பிறகு சாவு: டாக்டர்களை கைது செய்யக் கோரிக்கை!

வியாழன் 7, டிசம்பர் 2017 9:14:22 AM (IST)

டெல்லியில் தனியார் மருத்துவமனையில் இறந்ததாக அறிவிக்கப்பட்ட குழந்தை ஒரு வாரத்துக்கு பிறகு உயிரிழந்தது.

டெல்லி ஷாலிமார் பாக் பகுதியில் உள்ள மேக்ஸ் என்னும் தனியார் மருத்துவமனையில் கடந்த 30-ந்தேதி அஷிஸ்குமார் என்பவரின் மனைவிக்கு குறைபிரசவத்தில் ஒரு ஆண் குழந்தையும், ஒரு பெண் குழந்தையும் பிறந்தன. பிறக்கும்போதே அவை இறந்துவிட்டதாக மருத்துவமனை நிர்வாகம் அறிவித்து அந்த குழந்தைகளை பாலீதீன் பைகளில் சுற்றி பெற்றோரிடம் ஒப்படைத்தனர்.

குழந்தைகளின் இறுதிச் சடங்கை நடத்தியபோது ஆண் குழந்தை உயிருடன் இருப்பது தெரிய வந்ததால் பெற்றோர் மிகுந்த அதிர்ச்சி அடைந்தனர். இதையடுத்து அந்த குழந்தையை அருகில் உள்ள வேறொரு மருத்துவமனைக்கு எடுத்துச் சென்று சிகிச்சைக்காக சேர்த்தனர். உயிருடன் இருந்த குழந்தையை இறந்ததாக அறிவித்தது, நாடு முழுவதும் பெரும் பரபரப்பை ஏற்படுத்தியது. இதுபற்றி டெல்லி மாநில சுகாதார அமைச்சர் சத்யேந்தர் ஜெயின் விசாரணை நடத்தவும் உத்தரவிட்டார்.

இந்நிலையில் சிகிச்சை பெற்று வந்த ஆண் குழந்தை சிகிச்சை பலனின்றி நேற்று உயிர் இழந்தது. அந்த குழந்தையின் இறப்புக்கு மேக்ஸ் மருத்துவமனை நிர்வாகம் அனுதாபம் தெரிவித்து உள்ளது. எனது ஆண் குழந்தை இறந்ததாக அறிவித்த 2 டாக்டர்களையும் உடனடியாக கைது செய்யவேண்டும், அதுவரை குழந்தையின் உடலை வாங்கமாட்டேன் என்று கூறி குழந்தையின் தந்தை அஷிஸ்குமார் போராட்டத்தில் ஈடுபட்டு வருகிறார். 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Friends Track CALL TAXI & CAB (P) LTD



crescentopticals


Joseph Marketing




New Shape Tailors



Thoothukudi Business Directory